1. ЖАЛПЫ ЕРЕЖЕЛЕР
1. Осы Ереже Жастардың тұлғалық дамуын көздейтін «El Umiti» Премиясы бағдарламасының Жастардың тұлғалық дамуын көздейтін «El Umiti» Премиясы бағдарламасының (бұдан әрі - Премия) мақсаттары мен міндеттерін, өту тәртібін, мазмұнын және талаптарын айқындайды.
2. Премияның ұйымдастырушысы Нұрсұлтан Назарбаев Қорының қолдауымен «El Umiti» қоры» КҚ (бұдан әрі - Ұйымдастырушы) болып табылады.
3. Мақсаты – жастардың қоғамда өз орнын табуына, әртүрлі салаларда өздерін жүйелі түрде дамытуға, алға қойған мақсаттары мен жоғары нәтижелерге қол жеткізуге қолдау көрсету және көмектесу.
4. Міндеттері:
- балалар мен жасөспірімдердің әлеуетін ашып, өзін-өзі жүзеге асыруға жағдай жасау;
- Қазақстан Республикасының қоғамдық белсенді жастарын ынталандыру.
2. ПРЕМИЯ ҚАТЫСУШЫЛАРЫ
5. Премияға 14 пен 18 жас (қоса алғанда) арасындағы көшбасшылық қасиеттері айқын, белсенді өмірлік ұстанымы, өзін-өзі жетілдіруге және топпен бірге жұмыс істеуге ұмтылысы бар жастар қатыса алады.
6. «El Umiti» бастамасы аясында жүзеге асырылған жобалардың жеңімпаздары мен қатысушылары басым құқыққа ие (растайтын сертификаттардың, дипломдардың, грамоталардың болуы міндетті).
7. Премияға алдыңғы жылдардағы жеңімпаздар қайта қатыса алмайды.
3. ПРЕМИЯҒА ҚАТЫСУ ҮШІН ҰСЫНЫЛАТЫН ҚҰЖАТТАРДЫҢ МЕРЗІМІ МЕН ТӘРТІБІ
8. Премияның басталуы туралы хабарландыру Ұйымдастырушының https://elumiti.kz/ сайтында және бұқаралық ақпарат құралдарында жарияланады.
9. Премияға қатысуға тіркелу жыл сайын 15 қыркүйектен 1 қарашаға дейінгі аралықта https://premia.elumiti.kz/ автоматтандырылған ақпараттық жүйесінде (бұдан әрі - ААЖ) жүргізіледі.
10. Үміткер рremia.elumiti.kz ААЖ-дағы қатысушы анкета толтыру арқылы өтінім береді. Үміткер өтінім бере отырып, дербес деректерін өңдеуге келісімін береді.
11. Өтінімге қоса беріледі:
- Неге мен «El Umiti» Премиясына лайықтымын?» ынталандыру бейнеролигіне сілтеме (ұзақтығы 2 минуттан аспауы керек);
- фото (көлемі 5 МБ дейінгі PNG, JPG, JPEG, BMP форматындағы суреттер);
- қатысушының соңғы екі жыл ішінде алған сертификаттары, дипломдары, алғыс хаттары.
12. Жасы кәмелет жасына толмаған қатысушылар өтінімге ата-анасының/заңды өкілдерінің келісімін қоса ұсынады.
4. ҚАТЫСУШЫЛАРДЫ АНЫҚТАУ ТӘРТІБІ
13. Ұсынылған материалдарды бағалауды және қатысушыларды іріктеуді Ұйымдастырушы бекіткен сараптама комиссиясы анықтайды.
14. Іріктеу нәтижесі бойынша апелляция қабылданбайды.
15. Премияға қатысуға ұсынылған материалдар қайтарылмайды.
16. Қатысушыларды іріктеу нәтижесі https://premia.elumiti.kz/ ресми сайтында ағымдағы жылдың 15 қарашасынан кешіктірілмей жарияланады.
5. ПРЕМИЯҒА ҚАТЫСУ ТӘРТІБІ
17. Премия қатысушысы мен Ұйымдастырушының байланыста болуын қамтамасыз ететін Премия қатысушысының жеке кабинеті ашылады.
18. Бағдарламаға қатысу барысында қатысушыны барынша жоғары нәтижеге қол жеткізуге бағыттау үшін Ұйымдастырушы қатысушының портфолиосына сараптамалық бағалау жүргізеді.
19. Ұйымдастырушы қатысушылардың жетістіктеріне, әлеуметтік желілердегі жеке парақшалары арқылы мониторинг жүргізеді.
20. Премияны 2 кезеңмен жүзеге асырылады:
I-кезең «Өзін-өзі жетілдіру». Бұл кезең 16 қараша мен 31 мамыр аралығында 7 бағыт бойынша жарты жылдық өзін-өзі жетілдіру жұмыстарын көздейді:
«Спорт және салауатты өмір салты»;
«Meta-Skills: машық пен дағдылар»;
«Оқуға құштар ұлт»;
«Еріктілік»;
«Ұлттық мұра»;
«Экологиялық мәдениет, туризм»;
«Өзін кәсіби маман ретінде айқындау»
21. Қатысушы 25 қарашадан кешіктірмей білім беру курстарын ұсынатын ұйымдар мен платформалардың Тізімін (бұдан әрі - Тізім) ескере отырып, Ұйымдастырушыға жартыжылдық жеке даму жоспарын құрып, келісімге ұсынады. Жеке даму жоспарын құру барысында қатысушыға Тізімде көрсетілмеген өзге де курстарға оқу құқығы беріледі. Даму жоспарына өзгеріс Ұйымдастырушымен келісе отырып енгізіледі.
22. Қатысушы І кезеңде жеке даму жоспарын жүзеге асыру барысында қол жеткізген табысы мен жетістіктерін дәлелдейтін (барлық бағытты қоса алғанда 12 сертификаттан кем емес) ресми құжаттарды жеке кабинетіне жүктейді.
23. Ұйымдастырушы 10-маусымға дейін ұсынылған құжаттардың түпнұсқалығын тексереді және қатысушыны Ұйымдастырушы өзін-өзі жетілдіру және тұлғалық даму бойынша офлайн форматта өтетін оқу курсына жолдама алады.
24. I кезеңнен табысты өткен қатысушыға Финалист дәрежесі беріліп, Премияның I кезеңінен өткені туралы сертификат табысталады.
25. Курсты аяқтаған финалистерге өз идеяларын әлеуметтік жоба жасау арқылы жүзеге асыру мен ІІ кезеңге өту мүмкіндігі беріледі. Жеке кабинеті арқылы ІІ кезеңге қатысуға өтінім берген І кезең Финалистеріне Номинант дәрежесі беріледі.
26. II кезең «Әлеуметтік жоба жасау». 1 шілде мен 31 тамыз (қоса алғанда) аралығында өтеді және осы Ереженің 20 тармағына сәйкес жеті бағыттың бірі бойынша әлеуметтік жоба құруды және қорғауды көздейді.
27. Жұмыстар жеке немесе топтық жоба түрінде қабылданады.
Жеке жоба - Номинант жұмысын Жеке кабинетінде келесі деректерді көрсете отырып өтінім береді:
• Номинация түрі (осы Ереженің 35 тармағына сәйкес);
• Жобаның атауы/тақырыбы.
Топтық жоба - Номинанттар топ жасақтауға өтінім береді (Номинанттар санатынан 2 адам) және Жеке кабинетте келесі деректерді көрсетеді:
• Топ жетекшісі (жобаны жүйеге енгізуге қолжетімділік беріледі);
• Номинация түрі (осы Ереженің 35-тармағына сәйкес);
• Топ атауы.
• Жобаның атауы/тақырыбы.
28. Жасалған әлеуметтік жобалар Жеке кабинетке жүктеліп, көпшілік талқысы мен дауыс беруге жіберіледі. Дауыс беру қорытындысы бойынша Премиядан үміткер жобаларды іріктеудің бір критерийі болып саналады.
6. ЛАУРЕАТТАРДЫ АНЫҚТАУ ТӘРТІБІ
29. Жобаларды таныстыру және қорғау әр жыл сайын 1 желтоқсаннан кешіктірілмей офлайн форматта өткізіледі.
30. Ұсынылған материалдарды бағалауды және Премия қатысушыларын анықтауды Ұйымдастырушы бекіткен байқаудың қазылар алқасы жүзеге асырады.
31. Жобаларды бағалаудың негізгі талаптарына:
• таңдалған әлеуметтік мәселенің өзектілігі;
• жобаның тың, жаңа болуы;
• жобаның тиімділігі;
• сұранысқа ие болуы;
• жүзеге асырылу деңгейі;
• нәтижелі болуы;
• келешегі бар жоба болуы жатады.
Байқаудың қазылар алқасының шешімі сараптама комиссиясының отырысына қазылар алқасы құрамының кем дегенде жартысы қатысқан жағдайда қарапайым көпшілік дауыспен қабылданады. Егер дауыс беру қорытындысы тең болған жағдайда қазылар алқасы төрағасының дауысы шешуші дауыс болып саналады.
32. Қазылар алқасының шешімі түпкілікті және қайта қарауға жатпайды.
33. Номинанттарға Премияны тағайындау қорытындысы https://premia.elumiti.kz/ ресми сайтында ағымдағы жылдың 15 желтоқсанынан кешіктірілмей жарияланатын болады.
34. Жобаларды қорғауға және марапаттау салтанатына қатысуға кететін барлық шығындарды номинанттардың өздері өтейді.
7. ПРЕМИЯНЫ ТАҒАЙЫНДАУ
35. Ең үздік қорғалған жұмысқа берілетін Премия төмендегі номинациялар бойынша оқу ақысын төлеуге, тағылымдамадан өтуге, халықаралық байқауларға қатысу жарнасын төлеуге, travel-гранттар және т. б. білім беру гранты түрінде беріледі:
• 1 номинация «Спорт және салауатты өмір салты»;
• 2 номинация «Meta-Skills: машық пен дағдылар»;
• 3 номинация «Оқитын ұлт»;
• 4 номинация «Еріктілік»;
• 5 номинация «Ұлт мұрасы»;
• 6 номинация «Экологиялық мәдениет, туризм»;
• 7 номинация «Өзін кәсіби маман ретінде айқындау»
36. Әр номинация жеңімпазына «El Umiti» Премиясының Лауреаты атағы мен оқу грантының сертификаты беріледі.
37. Ұйымдастырушы жыл сайын Премия көлемін (оқу гранты) тиісті қаржы жылына арналған «El Umiti» бастамасының жобаларын жүзеге асыруға арналған қаражат шеңберінде белгілейді.
38. Егер Премия топ жұмысына берілсе, қаражаты топ мүшелері арасында теңдей бөлінеді.
8. ҚОРЫТЫНДЫ ЕРЕЖЕЛЕР
39. Ұйымдастырушы осы Ережеге кез келген уақытта өзгерістер мен толықтырулар енгізуге құқылы.
40. Премияға қатысу Қатысушылардың осы Ережелермен толық келісетінін білдіреді, сондай-ақ Қатысушының дербес деректерін Ұйымдастырушының жинауына, сақтауына және өңдеуіне, бейне-сурет материалдарын бұқаралық ақпарат құралдарында және ғаламтор желісінде жариялауға келісім беретінін растайды. Келісім мерзімі Премияны өткізу уақыты мен аяқталғаннан кейінгі екі жылды қамтиды.
