Премияға кімдер, қандай жас категориясы қатыса алады?
Премияға 14-18 жас аралығындағы, айқын көшбасшылық қасиеті, белсенді өмірлік ұстанымы, өзін-өзі дамытуға ұмтылысы, ұжымда жұмыс істеуге ұмтылысы бар жастар қатыса алады.
Портфолиоға бағалауды кім жүргізеді?
Премияға ұсынылған материалдар мен қатысушыларды іріктеуді Ұйымдастырушы бекіткен сараптама комиссиясы жүргізеді. Комиссия үміткердің портфолиосына сараптамалық талдау жүргізеді, сараптама негізінде қатысушы Премияға қатысу барысында жетістікке жетуге бағдарланады.
Премияға қатысушыларды іріктеудің нәтижесі қайда және қашан жарияланады?
Іріктеу нәтижесі ресми https://premia.elumiti.kz/ сайтында биылғы 15 қарашадан кешіктірілмей жарияланады.
Мен 7 бағыт бойынша жартыжылда өзімді дамытып, Тізімде көрсетілмеген ұйымдардан өте аламын ба?
Жеке даму жоспарын жасау кезінде қатысушыға Тізімде көрсетілмеген басқа курстардан өту құқығы беріледі. Даму жоспарына өзгерістер ұйымдастырушының келісімі бойынша ғана енгізіледі.
Мен жобаны 1 кезеңнен кейін аяқтай аламын ба?
Иә, I кезеңнен сәтті өткен қатысушыға Премияның I кезеңінен өткені туралы сертификат беріледі. Сондай-ақ, курстың соңында финалистерге әлеуметтік жоба құру арқылы өз идеяларын жүзеге асыру және II кезеңнен өту мүмкіндігі беріледі. Яғни, сіз осы кезеңде жобаны жалғастыра аласыз немесе аяқтай аласыз.
Премияны ақша түрінде ала аламын ба?
Премия ақша, қаражат түрінде берілмейді. Премия жобаларды үздік қорғағаны үшін оқу ақысы, тағылымдамадан өтуге арналған білім беру гранттары, халықаралық конкурстарға қатысуға жарналар, travel-гранттар және т.б. түрінде беріледі. Яғни, "El Umiti" премиясының лауреаты сыйлықты өз бетінше пайдаланып, жоғарыда көрсетілгендерден басқа мақсаттарға жұмсай алмайды.
"Әлеуметтік жобаны құру" II кезеңі қашан басталады және қанша уақытқа созылады?
II кезең «Әлеуметтік жоба жасау» 1 шілде мен 31 тамыз (қоса алғанда) аралығында өтеді және 7 бағыттың бірі бойынша әлеуметтік жоба құруды және қорғауды көздейді: Спорт және салауатты өмір салты; Meta-Skills: машық пен дағдылар; Оқуға құштар ұлт; Еріктілік; Ұлттық мұра; Экологиялық мәдениет, туризм; Өзін кәсіби маман ретінде айқындау.
Премия кімге тағайындалады?
Ең үздік қорғалған жобаға берілетін Премия төмендегі номинациялар бойынша оқу ақысын төлеуге, тағылымдамадан өтуге, халықаралық байқауларға қатысу жарнасын төлеуге, travel-гранттар және т. б. білім беру гранты түрінде беріледі: • 1 номинация «Спорт және салауатты өмір салты»; • 2 номинация «Meta-Skills: машық пен дағдылар»; • 3 номинация «Оқуға құштар ұлт»; • 4 номинация «Еріктілік»; • 5 номинация «Ұлттық мұра»; • 6 номинация «Экологиялық мәдениет, туризм»; • 7 номинация «Өзін кәсіби маман ретінде айқындау».
Жеңімпаз қандай Премияға ие болады?
1 орын - 2 000 000 тг. 2 орын – 1 000 000 тг. 3 орын- 500 000 тг.