Фильм Алматы қаласының жасөспірімдерінің күнделікті өмірі арқылы оның сұлулығын, ерекше атмосферасын және жастық шақтың өзіндік реңін көрсетеді. Екі басты кейіпкер – екі түрлі болмыс пен дүниетаным иесі. Олардың біреуі екіншісіне: «Өмірде не ойласаң – сол болады. Ал егер ұйықтап жүрсең, ештеңеге үлгермейсің» деген ұстанымды үйретуге тырысады. Бұл сөздің шынайы мәні тауда болған ерекше оқиға кезінде ашылады, ол сәт кейіпкерлердің ішкі өзгерісіне түрткі болады. Түсірілім процесі біз үшін тек шығармашылық тәжірибе ғана емес, сонымен бірге жеке қабілеттерімізді дамыту мүмкіндігі болды. Біз өзіміздің лидерлік қасиеттерімізді шыңдадық, себебі түсірілім кезінде түрлі шешімдер қабылдап, жауапкершілікті бөлісуге тура келді. Көпшілік түрлі себептермен топпен жұмыс істеуден қашады, ал біз, керісінше, екі түрлі идеямен келіп, бір-бірімізді тыңдап, ортақ шешімге келуді үйрендік. Бұл бірлесе жұмыс істеудің, түсіністік пен құрметтің қаншалықты маңызды екенін тағы бір дәлелдеді. Фильм тек Алматының сұлулығын ғана емес, достықтың, өзара түсіністіктің және өмірде ояу болудың маңызын көрсетеді. Түсірілім барысында біз шығармашылықпен қатар, тыңдай білуді, ортақ шешім табуды және топта жұмыс істеуді үйрендік.

Жасөспірімдерді өмірдің әр сәтін бағалауға, ояу болуға және жақсы оймен өмір сүруге шақыру. Алматының сұлулығы мен достықтың шынайы сәттері арқылы қазіргі сәттің қадірін жеткізу.

жоба паспорты каз.pdf

Сценарий.pdf