"Өзгеміз, бірақ біргеміз!" рэп-конкурсын жариялаймыз

Байқаудың мақсаты – жастарға өз ойларын, құндылықтары мен мәдени мұраларын бейнелейтін рэп-импровизация арқылы өзін-өзі көрсетуге арналған платформасын ұсына отырып, Қазақстан халқының достығы мен бірлігін нығайтуға ықпал ету. 

Қатысушыларға көрсетілген мерзім ішінде Қазақстан халықтарының бірлігі күніне орай ерекше рэп-туынды (мәтіні – авторлық, басқа жерден көшіріліп алынбаған) шығару және шығарылған туындыны пайдалана отырып бейнеролик дайындау қажет. Дайындалған бейнероликті Instagram, YouTube, TikTok платформаларындағы (өз қалауы бойынша) жеке парақшасына #Елүміті_премиясы2025 хэштегімен жариялап, Ұйымдастырушының @el_umiti.kz парақшасын белгілеуі қажет.

Байқауға келесідей бейнероликтер ұсынылуы қажет: 

• қатысушының жеке қатысуымен, Байқауға ұжымдық қатысуға жол берілмейді;
• шығармаларды орындау кезінде муызкалық аспаптарды (домбыра, фортепиано, аккордеон, гитара және т.б.) немесе фонограмманы пайдалана отырып музыкалық сүйемелдеу құпталады;
• ұзақтығы 3 минуттан аспайтын;
• қатысушының бейнероликте 80% тікелей қатысуымен, кадрдан тыс дауысты минималды түрде пайдалану, бейнеролик тек фотосуреттерден тұрмауы керек;
• сапалы (таза дыбыс және айқын бейне);
• креативті көзқарас құпталады, қатысушылар ұлттар арасындағы айырмашылықтарға қарамастан, музыка мен сөз бізді біртұтас етіп біріктіретінін жеткізе алу керек

Бейнероликті түсіру және монтаждау барысында ерекше идеялар, бірегей баяндау стилінжәне шығармашылық шешімдер көрсеткен қатысушылардың жұмыстары жоғары бағаланады.

Қатысушылар рэп-шығарманың стилін және бейнеролик форматын өздері таңдайды. 

Қатысуға өтінімді https://contests.elumiti.kz/ сайтында толтырып, жіберу қажет.

Байқауға жеке және заңды тұлғалардың абыройы мен қадір-қасиетін қорлайтын, Байқау тақырыбына сәйкес келмейтін бейнероликтер қабылданбайды. Бұрын басқа байқаулар үшін жасалған жұмыстар қаралмайды. Бейнеролик пен рэп-шығарма бірегей және осы Байқауүшін шығарылғңан және түсірілген болуы керек.

Бейнероликтерді бағалау Байқау комиссиясы арқылы жүзеге асырылады.

Байқау нәтижелері 2025 жылғы 16 мамыр https://elumiti.kz/ сайтында және Байқау Ұйымдастырушысының @el_umiti.kz Instagram парақшасында жарияланады.